2016 දෙසැම්බර් 17 වන සෙනසුරාදා
බෝධි සත්ව ගබ්සාව
2016 දෙසැම්බර් 17 වන සෙනසුරාදා, පෙ.ව. 12:00 312
නිල් මල් බිසව් උකුලේ බිම් මල් පිපුණී
පන්දම් වැටේ සල් මල් ඔසරිය රැඳුණී
නේරංජනා ගඟ දෑසින් ඇද වැටුණී
පස් මහ බැලුම් නොබලා කුස පිළිසිඳුණී
සඳුන් සුවඳ මල් ගෝමර ළැම තොරණේ
මැණික් කරඬු දෙතනේ රන් කිරි පිරුණේ
අඳුන් තෙලින් නෑවෙන වද මල් යහනේ
ඔවුන් අතින් මෝරන දරු ගැබ බිඳුණේ
රිදී කඳුළුමයි රන් කොතලෙට පිරුණේ
මහමායාවරුන් ඇයි මහ මඟ පිපුණේ
වදා පලක් නැත බෝසත්වරු සොහොනේ
අපාගත නොවව් තනිවම මවුවරුනේ
♦ කුමාර හෙට්ටිආරච්චි
රුවන් සක්මන (1988) පද්‍ය සංගහයෙනි.